AQSh-tyń mobıldik operatorlary 5G jelilerin synaqtan ótkizýge daıyndyq júrgizýde
ASTANA. QazAqparat - Amerıkalyq mobıldik baılanys operatorlary 2016 jyldyń sońyna qaraı 5G jelilerin synaqtan ótkize bastaıdy, dep habarlaıdy Engadget portaly.
Atap ótkende, AQSh-taǵy eń iri operatorlardyń biri AT&T-diń Intel birlestigi jáne Ericsson kompanııasymen yntymaqtastyq aıasynda 5G jelisin Tehas astanasy Ostın qalasynda iske qosylatyny belgili boldy.
Bolashaq jelilerdiń ótkizý qabileti LTE-ǵa qaraǵanda ondaǵan, tipti júzdegen ese joǵary bolyp, al sekýndyna gıgabaıttardy júkteý múmkin bolmaq.
AT&T operatorynyń strategııalyq josparlaý jónindegi dırektory Djon Donovannyń oıynsha, jelilerdiń jańa býyny vırtýaldyq shyndyq, «Zattar ǵalamtory», 4K vıdeo, robottar men ózdiginen basqarylatyn avtomobılderdiń engizilýi men taratylýyna septigin tıgizedi.
AT&T-dan basqa, 5G jelisin AQSh-tyń basqa iri operatory - Verizon da ıgere bastaýdy qolǵa almaq. Alaıda, mamandardyń atap ótýinshe, synaqtardyń 2018 jyldyń ortasyna deıin jalǵasýy sebebimen 5G ázirge erteńgi kúnniń isi bolyp qalyp otyr.
