AQSh-tyń Mınnesota shtatynda 15 myńǵa jýyq medbıke narazylyq sherýine shyqty

VAShINGTON. QazAqparat - Mınnesota shtatynyń Mınneapolıs jáne Dýlýt qalalaryndaǵy jeti Densaýlyq saqtaý júıesiniń 15 myńǵa jýyq medbıkesi úsh kúndik ereýilge shyqty, bul el tarıhyndaǵy eń úlken narazylyq, dep habarlaıdy QazAqparat tilshisi ABC News-ke silteme jasap.

Mınnesota medbıkeler qaýymdastyǵynyń qyzyl fýtbolkalaryn kıgen medıtsınalyq qyzmetkerler aýrýhanalarda medbıkeler men kómekshi qyzmetkerlerdi kóbeıtýdi jáne jalaqyny kóterýdi talap etti.

AQSh-ta tirkelgen medbıkelerdiń eń iri kásipodaǵy men kásipqoı qaýymdastyǵy sanalatyn Ulttyq medbıkeler Birlestiginiń teń tóraǵasy Jan Ross el boıynsha kóptegen medbıkeler jalaqy men qyzmet máselesine baılanysty jumystan bas tartyp jatqanyn aıtty.

Aýrýhanalar úsh jyl ishinde jalaqyny 10-12% arttyrýdy usyndy, biraq medbıkeler 30% -dan asyrýdy talap etedi. Aýrýhana basshylary meıirbıkelerdiń talaptary qısynsyz ekenin, jalaqynyń kúrt ósýine baılanysty shyǵyndar patsıentterdiń moınyna túsetinin atap ótti.

Foto: AP