AQSh-tyń Mıchıgan shtatynda 193 avtomobıl soqtyǵysty
ASTANA. QazAqparat - Mıchıgan shtatyndaǵy kúre jolda 193 avtomobıl soqtyǵysty, olardyń araynda 76-sy júk kólikteri, dep habarlaıdy RBK ABC News telearnasyna silteme jasap.
Polıtsııanyń aqparatyna qaraǵanda, jol-kólik apatyna ushyraǵan avtomobılderdiń arasynda 20 tonna qaýipti zattar jáne otshashýlar tıelgen júk kólikteri bolǵan.
Keleńsiz oqıǵa saldarynan júrgizýshilerdiń biri - 57 jastaǵy Kvebek turǵyny qaza tapty. Kem degende 20 adam jaraqattanǵan, olardyń ishinde órt sóndirýshi men evakýator júrgizýshisi bar.
Asa iri jol apatyna qardyń kóp mólsherde jaýýy sebep bolǵan. Polıtseılerdiń aıtýynsha, kúre joldyń qashan tazartylatyndyǵy ázirge belgisiz.
