AQSh-tyń memlekettik qaryzy 14 trıllıon dollardan asty
ASTANA. 17 qańtar. QazAqparat - AQSh ekonomıkasyna turaqty qaýip tóndirip otyrǵan jáne sońǵy jyldary tym ósip ketken memlekettik qaryzy 14 trıllıon dollarǵa jetti.
Memlekettiń kredıtorlarǵa osynaý bereshegin AQSh-tyń ár azamatyna bóler bolsaq, 45 myń dollardan keledi, dep habarlaıdy Utro.ru saıty.
Osydan jarty jyl buryn, 2010 jyldyń maýsym aıynda, AQSh-tyń memlekettik qaryzy 13 trıllıon dollardy shamalaǵan bolatyn, ıaǵnı qazirgi qaryzdan 1 trıllıonǵa az edi. Al 2005 jyly bul qaryz 7,6 trıllıon dollar bolǵan.
2010 jyldyń aqpan aıynda Barak Obama bıýdjet jetispeýshiligimen kúresýge ýáde berip, memlekettik bereshek úshin 14,3 trıllıon dollar kóleminde jańa lımıt bekitken edi. Buǵan deıin bul lımıt 12,4 trıllıondy quraǵan. Memlekettiń qazirgi qaryzy jańa lımıtke jaqyndap qalǵandyqtan, Aq úı Kongresti osyny retke keltirý úshin daýys berýge shaqyryp otyr.
Qurama Shtattaǵylar, eger shuǵyl sharalar qabyldanbasa memlekettiń qaryzy «shekten tys asyp ketip», amerıkan ekonomıkasyn defoltqa ushyrady dep qaýiptenýde.
