AQSh-tyń Memlekettik hatshysy Maık Pompeo Tashkentke bardy

TAShKENT. UZA.UZ – QazAqparat – Amerıka Qurama Shtattarynyń Memlekettik hatshysy Maık Pompeo Ózbekstanǵa resmı saparmen bardy, dep habarlaıdy QazAqparat osy eldiń uza.uz saıtyna silteme jasap.

Islam Karımov atyndaǵy halyqaralyq áýejaıda mártebeli qonaqty Ózbekstan Respýblıkasynyń Syrtqy ister mınıstri Abdýlazız Kamılov, AQSh-tyń Ózbekstandaǵy Tótenshe jáne ókiletti elshisi Denıel Rozenblıým men ózge de resmı tulǵalar qarsy aldy.

Eki kúndik sapary barysynda AQSh Memlekettik hatshysy men Ózbekstannyń Syrtqy ister mınıstriniń arasynda ekijaqty kelissózder júrgiziledi. Maıkl Pompeo men Abdýlazız Kamılov 2018 jyldyń mamyr aıynda Vashıngtonda joǵary deńgeıde ótken ózbekstandyq-amerıkalyq sammıt barysynda qol jetkizgen kelisimderdiń júzege asyrylý barysyn talqylap, halyqaralyq jáne óńirlik ózekti máseleler boıynsha pikir almasady.

Maık Pompeo 3 aqpan kúni Tashkentte «Ortalyq Azııa – AQSh» («C5+1») formatynda ótetin mınıstrler kezdesýine qatysady.

Aıta keteıik, osyǵan deıin Qazaqstanda bolǵan AQSh-tyń memlekettik hatshysyn Memleket basshysy Qasym-Jomart Toqaev qabyldaǵan bolatyn.

Sonymen qatar AQSh ókili Elbasy Nursultan Nazarbaevpen kezdesti.