AQSh-tyń Memlekettik hatshysy Qazaqstan halqyn Táýelsizdik kúnimen quttyqtady
«Men AQSh turǵyndarynyń atynan Qazaqstan halqyn el Táýelsizdiginiń 27 jyldyǵymen shyn júrekten quttyqtaımyn. QR Prezıdenti Nursultan Nazarbaevtyń AQSh-qa sapary eki el arasyndaǵy yntymaqtastyqqa keń jol ashty. Qazaqstan men AQSh keńeıtilgen strategııalyq áriptestikti tereńdetýge kiristi»,-delingen habarlamada.
R.Maıkl Qazaqstannyń halyqaralyq arenadaǵy beıbit bastamalaryn joǵary baǵalady.
«Biz Qazaqstannyń BUU-nyń Qaýipsizdik Keńesiniń tóraǵasy retindegi eki jyldy nátıjeli aıaqtaýymen qutyqtaımyz jáne eldiń lıderligin joǵary baǵalaımyz. Qazaqstan óńirlik qaýipsizdik pen damý máselesi boıynsha ózin laıyqty kórsete bildi. Ásirese Qazaqstannyń Aýǵanstanǵa qatysty ustanymdary erekshe ataýǵa turarlyq. Biz sonymen qatar BUU-nyń Lıvanǵa qoldaý kórsetý maqsatyndaǵy bitimgershlik mıssııasyna qoldaýy úshin Qazaqstannyń úkimetine alǵys bildiremiz. Qazaqstan álemdik arenada Ortalyq Azııa men onyń aımaǵynda ózara yqpaldastyq pen ekonomıkalyq damýdy jáne beıbitshilik pen turaqtylyqty qamtamasyz etý isinde áriptes retinde sheshýshi ról atqardy».
Sóz sońynda Memlekettik hatshy AQSh-tyń Qazaqstannyń eki eldiń ıgiligi jolyndaǵy qarqyndy qarym-qatynastardy keńeıtýge degen qadamdaryn asyǵa kútetindigin atap ótti.
