AQSh-tyń memlekettik hatshysy D.Kerrı B.Nemtsovqa qastandyq jasalǵanyn estigende qatty qapalanǵanyn aıtty
ASTANA. QazAqparat - AQSh-tyń memlekettik hatshysy Djon Kerrı Reseı Premer-mınıstriniń burynǵy birinshi orynbasary Borıs Nemtsovtyń Máskeýdiń ortalyǵynda qastyqpen óltirilýin estigende qatty qapalanǵanyn málim etti, dep habarlaıdy RIA Novostı.
Djon Kerrı saıasatker Borıs Nemtsovtyń óltirilgenin estigende kóńili túskenin aıtyp, RF bıligin bul qylmysty tergeýge shaqyrdy.
«Reseı Premer-mınıstriniń burynǵy birinshi orynbasary Borıs Nemtsovtyń Máskeý ortalyǵynda qastyqpen óltirilgeni týraly estigende qatty qapalandym. Borıs Nemtsov búkil ǵumyryn odan da demokratııaly, gúldengen, ashyq Reseıdiń qurylýyna, Reseı jáne onyń AQSh-ty qosa alǵanda, basqa da eldermen arasyndaǵy berik qarym-qatynastardyń ornatylýyna arnaǵan», - dep málim etti D.Kerrı. «AQSh Reseıdiń bılik kózderin bul qylmysty tergep, oǵan kináli adamdardyń jaýapqa tartý boıynsha jedel áreketter jasaýǵa shaqyrady», - dedi ol.
Sondaı-aq ol Reseı halqyna, qastandyq qurbany bolǵan saıasatkerdiń otbasy men dostaryna kóńil aıtty.
