AQSh-tyń "qyrǵı qabaq" soǵystan keıingi eń úlken áskerı-teńiz oqý-jattyǵýy 17 ýaqyt beldeýinde ótpek

NEAPOLЬ. QazAqparat – AQSh-ta seısenbi kúni sońǵy 40 jyldaǵy eń úlken áskerı-teńiz jáne desanttyq oqý-jattyǵýlar bastaldy, dep habarlaıdy QazAqparat Stars and Stripes-ke silteme jasap.

AQSh-tyń Altynshy flot qolbasshylyǵynyń málimdemesinde aıtylǵandaı, iri aýqymdy jattyǵýlar (Large Scale Exercise 2021) batyldyq pen jańa múmkindikterdi kórsetedi.

Oqý-jattyǵýlar áskerı kúshter ózderiniń baılanys júıeleri men logıstıkalyq jelilerine shabýyldardan qorǵaný úshin uzaq ýaqytqa sozylǵan soǵys doktrınasyn jańartqan kezde ótkiziledi. Ótken aıda AQSh Qarýly Kúshteri Shtabtar bastyqtarynyń Birikken komıteti tóraǵasynyń orynbasary general Djon Haıten málimdegendeı, qazan aıynda ótkizilgen joǵary kásibı jaýǵa qarsy oqý maqsatyndaǵy jaýyngerlik jaǵdaılardy usynǵan shaıqas álsiz tustardy anyqtap, ózgerister qajettiligi anyqtalǵan.

Qarýly kúshterdiń habarlaýynsha, iri masshtabty oqý-jattyǵýlar 16-17 tamyz aralyǵynda 17 ýaqyt beldeýinde ótedi.

«LSE komandırlerimizdi taktıkadan strategııalyqqa deıin, sonyń ishinde teńiz flotynyń ashyq muhıttan teńiz jaǵalaýyndaǵy aýdandarǵa deıin kelisilgen operatsııalardy júrgizý qabiletin kórsetý úshin teńiz korpýsyna deıin tekseredi», - dedi vıtse-admıral Djın Blek, AQSh-tyń Altynshy flotynyń qolbasshysy.

Oqý-jattyǵýlarǵa áskerı qyzmetkershilerden, kelisimshart boıynsha qyzmet etýshilerden jáne azamattyq personaldan basqa 36-ǵa jýyq keme jáne 50-den astam vırtýaldy tehnıka qatysady. Olarǵa áskerı-teńiz kúshteri men Teńiz korpýsynyń alty qolbasshysy, AQSh-tyń bes áskerı-teńiz kúshteri jáne úsh teńiz ekspedıtsııalyq dıvızııasy qatysady.

Bul jattyǵýlarǵa tek AQSh kúshteri qatysady, biraq bolashaqta odaqtastar men seriktesterdiń qatysýy josparlanýda, delingen habarlamada.