AQSh-tyń Konnektıkýt shtatynda ólim jazasyna moratorıı jarııalandy
ASTANA. 27 sáýir. QazAqparat - Konnektıkýt ólim jazasyna moratorıı jarııalaǵan AQSh-tyń 17-shi shtaty atandy, dep habarlaıdy brıtandyq Bı-bı-sı teleradıokorporatsııasy.
Shtat gýbernatory Dennel Melloı osyndaı buıryqqa qol qoıdy. Osydan biraz buryn shtattyń zań shyǵarýshylar jıyny moratorıı engizýdi qoldap daýys bergen bolatyn.
Gýbernator muny «tarıhı sát» dep baǵalady.
Habarlamaǵa qaraǵanda, sot ólim jazasyna kesip, úkimniń oryndalýyn kútip otyrǵan qylmyskerlerge jańa zańnyń qatysy joq.
Konnektıkýtta sońǵy 51 jylda bir adam ǵana sot úkimi boıynsha óltirilgen, deıdi Bı-bı-sı.
Al, turǵyndardyń 62 paıyzy ólim jazasyn joıýǵa qarsy.
