AQSh-tyń Qazaqstandaǵy Elshisi: Vashıngtonǵa kelip qarnym ashyp júr
VAShINGTON. QazAqparat - AQSh Qazaqstannyń ekologııalyq taza aýyl sharýashylyǵy ónimderine qyzyǵýshylyq tanytady. Bul týraly búgin Vashıngtonda AQSh-tyń Qazaqstandaǵy Tótenshe jáne Ókiletti Elshisi Djordj Krol aıtty, dep habarlaıdy QazAqparattyń arnaýly tilshisi.
«Bizge sizderdiń ekologııalyq taza aýyl sharýashylyǵy ónimderińiz ben tehnologııalaryńyz qajet. Vashıngtonǵa kelgeli esh jerden qymyz, shubat taba almadym. Men bul jerde ash júrmin. Jylqynyń eti de joq», - dedi Djordj Krol Qazaqstan Prezıdenti AQSh-tyń iskerlik top ókilderimen kezdesýinen keıin qazaqstandyq BAQ ókilderine bergen suhbatynda.
Al AQSh Memlekettik hatshysynyń Aýǵanstan jáne Ortalyq Azııa jónindegi kómekshisiniń orynbasary Genrı Ensher Amerıkanyń aýyl sharýashylyǵy salasy óte joǵary deńgeıde damyǵandyǵyn, Qazaqstanmen agroónerkásip kesheni tehnologııalarymen jáne jetistikterimen bólise alatyndyqtaryn aıtty.
«Amerıkalyq kompanııalar Qazaqstanǵa aýyl sharýashylyǵy ónimderin tek qana óndirip qana qoımaı ony qaıta óńdeýge de kómek bere alady. Sol arqyly ónimge qosylǵan qunyn arttyrýdy da qamtamasyz etetin bolady», - dedi Genrı Ensher.
