AQSh-tyń Qazaqstandaǵy elshisi: Qazaq tili kúndelikti qarym-qatynas tiline aınaldy

NUR-CULTAN. QazAqparat - Búgin qazaq tili adamdar arasyndaǵy kúndelikti qarym-qatynas tiline aınalǵanyn kórip otyrmyn. Bul týraly AQSh-tyń Qazaqstandaǵy elshisi Ýılıam Mozer aıtty, dep habarlaıdy QazAqparat.

«Búgin qazaq tili adamdar arasyndaǵy kúndelikti qarym-qatynas tiline aınalǵanyn kórip otyrmyn. Men almatylyq taksı júrgizýshileriniń arqasynda orys tilin úırendim dep ázildeımin, biraq elshiliktegi ustazymnyń kómegimen qazaq tilin úırenýge bar kúshimdi salamyn», - deıdi AQSh-tyń Qazaqstandaǵy elshisi Ýılıam Mozer Elshiliktiń áleýmettik jelidegi paraqshasynda.