AQSh-tyń qart turǵyny 113 jasynda ómirden ozdy
ASTANA. QazAqparat - AQSh-tyń qart turǵyny, Reseı ımperııasynyń týmasy Goldı Mıhelson týǵan kúnine 1 aı qalǵanda, 113 jasynda qaıtys boldy, dep habarlaıdy ABC telearnasy.
Mıhelson Výster qalasyndaǵy (Massachýsets shtaty) óz úıinde jantásilim etken. Gerontology Research Group amerıkandyq gerontologııalyq qyzmet ókili Robert ıAng sońǵy jyldary ájeıdiń óte álsiz bolǵanyn jáne tósekten turmaǵanyn aıtty.
Mıhelson Reseı ımperııasynyń Elısavetgrad (qazirgi Kırovograd, Ýkraına) qalasynda 1902 jyly týǵan jáne bala kezinde ata-anasymen AQSh-qa kóship kelgen. AQSh-taǵy bedeldi Braýn ýnıversıtetin (Rod-Aılend shtaty) bitirgen. Odan keıingi ómiri týraly esh aqparat joq.
ıAngtyń aıtýynsha, endi Nıý-Djersı shtatynda turatyn 113 jastaǵy Adel Danlap AQSh-tyń eń qart turǵyny atandy.
