AQSh-tyń Iraktaǵy eks-elshisi aqsha jylystatý kúdigine ilindi
ASTANA. QazAqparat - AQSh-tyń burynǵy joǵary qyzmettegi dıplomaty Zalmaı Halılzadqa qatysty tekserý júrgizilip jatyr, dep jazady VVS.
Quqyq qorǵaý organdarynyń paıymynsha, AQSh-tyń Iraktaǵy burynǵy elshisi avstrııalyq bankterde óziniń áıeliniń esep-shottary arqyly aqshany jylystatyp, izin jasyrǵan.
Osy oraıda Zalmaı Halılzad 1,4 mln. dollar qarjyny jylystatty degen kúdikke ilindi. Avstrııalyq bılik dıplomattyń zaıybyna ashylǵan birneshe esep-shottarǵa tyıym saldy.
Eks-elshiniń áıeliniń qorǵaýshysy bul esep-shottardyń kómegimen aqshanyń izi jasyrylǵandyǵy jaıynda amerıkalyq bılik naqty dálelder usyna almaı otyrǵandyǵyn atap ótti.
2003-2007 jyldar aralyǵynda Halılzad AQSh-tyń Irak jáne Aýǵanstan elderindegi elshisi qyzmetin atqardy.
