AQSh-tyń Indıanapolıs qalasynda belgisiz bireý jeti adamdy atyp, jaraqattady
INDIANAPOLIS. QazAqparat – AQSh-tyń Indıanapolıs qalasyndaǵy áýejaıdyń qasynda ornalasqan FedEx poshta kompanııasynyń aýmaǵyndaǵy atysta 8 adam zardap shekti, dep habarlaıdy QazAqparat Euronews-ke silteme jasap.
Zardap shekken jeti adam aýrýhanaǵa jetkizildi. Qaskúnem óz-ózine qol salyp kóz jumdy. Onyń bul áreketine ne sebep bolǵany belgisiz, tergeý amaldary júrgizilip jatyr.
Qaskúnem shabýylyn keshki saǵat 11-de jasaǵan. Indıanapolıstegi FedEx Habynda 4 500-den astam adam jumys isteıdi. Bul – kompanııanyń jahandyq jelisiniń úlkendigi boıynsha ekinshi orynda turǵan ortalyǵy.
Týra bir aı buryn Atlantadaǵy Jorjııa shtatynda úsh massaj salonynda bolǵan atys-shabys saldarynan jalpy alǵanda segiz adam mert boldy. Naýryz aıynyń sońynda Kolorado shtatyndaǵy Boýlder qalasynyń ortalyǵynda er adam on adamǵa oq atyp óltirgen, olardyń arasynda polıtsııa qyzmetkeri de boldy.
