AQSh-tyń Hıýston qalasynda alapat sý tasqyny bolyp jatyr
ASTANA. QazAqparat - AQSh-tyń Tehas shtatynda ornalasqan Hıýston qalasynda bolyp jatqan sý tasqynynan 2000 adam qaýipsiz jerge shyǵarylyp, qutqaryldy. Sý tasqynyna "Harvı" daýyly sebep bolǵan, dep habarlaıdy Bı-bı-sı.
Atalǵan shtattyń basqa da aýdandarynda nóser jaýyn quıyp tur.
Ulttyq meteorologııalyq qyzmettiń málimeti boıynsha, qala aýmaǵynda tótenshe jaǵdaı jarııalanǵan, munda kólik qatynasy qıyndap ketken.
Sondaı-aq, bes adamnyń qaza tapqany týraly derek bar. Alaıda ázirge tek 2 adamnyń qazasy naqtylandy.
Gýbernator Greg Ebbottyń sózinshe, qalaǵa 50 sm jaýyn-shashyn túsken. Odan bólek 40 sm jaýyn-shashyn túsýi yqtımal.
Qutqarýshylardyń jumysyn qatty jel tipten qıyndatyp jibergen. Oǵan qosa myńdaǵan adam jaryqsyz qalǵan.
Túsinikteme: Sýrette Hıýstondaǵy I-610 dańǵylynyń sý astynda qalǵan beınesi. Syrtqy baqylaý kamerasynan alynǵan.
Sýretter Bı-bı-sı-den alyndy.
