AQSh-tyń Flınt qalasynda aýyz sýdyń lastanýyna baılanysty tótenshe jaǵdaı engizildi
ASTANA. QazAqparat - Barak Obama Mıchıgan shtaty Flınt qalasynda aýyz sýǵa qorǵasyn aralasyp, lastanýyna baılanysty tótenshe jaǵdaı jarııalap, ony joıý úshin federaldyq qarajattan bes mıllıon dollar bóldi, dep habarlady VVS agenttigi.
Hımııalyq saraptamalar qazan aıynda atalǵan máseleni anyqtady. Osyǵan deıin qala turǵyndary sýdyń erekshe túsi men jaǵymsyz ıisi baryn aıtyp, shaǵymdanǵan. Flınttegi keı azamattardyń qanynda, sonyń ishinde balalarda qorǵasyn anyqtaldy.
Mamandar bolǵan jaıdyń sebepterin áli de anyqtaý ústinde.
Prezıdent Mıchıgan gýbernatory Rık Snaıderdiń qalany apatty aımaq dep jarııalaý týraly ótinishin qanaǵattandyrmady.
