AQSh-tyń federaldy soty Hrapýnovtarǵa qarsy úkim shyǵardy
NUR-SULTAN. QazAqparat – Bıylǵy 20 mamyrda Nıý-Iorktyń ońtústik okrýgi boıynsha AQSh okrýgtik soty Ilıas pen Vıktor Hrapýnovtarǵa qarsy sheshim shyǵardy. QazAqparat bul týraly QR Ádilet mınıstrliginiń resmı saıtyna silteme jasap habarlaıdy.
«Múddesine Ádilet mınıstrligi ókildik etetin – Almaty qalasynyń ákimdigi jáne BTA Bank talapkerlerdiń talap-aryzdaryn rastaıtyn aqparatty ashyp aıtýyn talap etti. Sot taraptardyń pozıtsııasyn zerdelegennen keıin, Ilıas pen Vıktor Hrapýnovtar sotpen «mysyq-tyshqan» oıynyn ádeıi uıymdastyrdy jáne olardyń bul áreketi jazalanýǵa tıis degen sheshimge keldi. Sot Ilıastyń joǵalǵan elektrondyq hattar týraly syltaýlaryn aqylǵa qonbaıdy dep tanydy.
Buǵan deıin, sot Muhtar Ábilázovtiń de osyǵan uqsas is-áreketin jazalaǵan edi. Ol kezde Ábilıazov dáleldemelerdi áshkereleý protsedýrasy barysynda qujattardy usyna almaǵan bolatyn.
Sot Almaty qalasynyń ákimdigi men BTA Banktiń talap-aryzdaryna tikeleı qatysy bar aqparattardy umytyp qalǵany týraly Hrapýnovtardyń ýájdemesin jalǵan dep tanydy. Sot paıymynsha, Ilıas tıisti aıǵaqtardy qasaqana joıyp jibergen», - delingen aqparatta.
Málim etilgendeı, sýdıa Ilıas pen Vıktor Hrapýnovtarǵa Almaty qalasy ákimdigi men BTA Bank zańgerlerine ketken shyǵyndy óteýdi mindettedi.
Sonymen qatar, sot Hrapýnovtar budan bylaı belgili bir dáleldemelerdi usyný quqyǵynan aıyrylatynyn jáne alqa bılerge Ilıas dáleldemelerdi qasaqana joıǵany týraly nusqaý beriletinin úkim etti.
«Buǵan deıin, sot Muhtar Ábilıazovqa qatysty da alqa bılerge dál osyndaı nusqaý beriletindigi týraly qaýly etken edi», - delingen málimette.
«Budan bólek, Almaty qalasy ákimdigi men BTA Bankiniń Felıks Saterge qarsy qatar júrip jatqan sot protsesinde de sot talapkerlerdiń paıdasyna sheshim qabyldady. Jaýap alý barysynda Sater Hrapýnovtar men Ábilıazovtiń Almaty qalasynda tyńshylary bar ekendigi jáne onyń qaýipsizdigine qaýip-qater tónýi múmkindigi týraly málimdedi. Sot óz sheshiminde Ábilıazovtiń 2018 jyly Qazaqstanda BTA Banktiń buryńǵy basshysyn óltirgeni jáne kóptegen basqa da qylmystar úshin sottalǵanyn eskere otyryp, Saterdiń úreıi senýge turarlyq ekendigin atap ótti», - dedi Ádilet mınıstrliginen.
Eske sala keteıik, erli-zaıypty Hrapýnovtar memlekettik múlikti urlaý, alaıaqtyq jasaý, laýazymdyq ókilettikti asyra paıdalaný, para alý jáne urlaǵan múlikti zańdastyrý boıynsha aıyptaldy. Memleketke keltirilgen shyǵyn 250 mıllıon dollardan astamdy quraıdy.
2018 jyldyń qazanynda Almaty qalasynyń burynǵy ákimi Vıktor Hrapýnov jasaǵan qylmystary úshin kináli dep tanylyp, oǵan múlkin tárkileýmen birge, qaýipsizdigi barynsha joǵary kolonııada 17 jyl bas bostandyǵynan aıyrý jazasy belgilendi. Sondaı-aq, ol Ulttyq bank, qarjy mekemeleri, memlekettik uıymdar men basqa da mekemelerde qyzmet atqarý quqyǵynan aıyryldy. Sondaı-aq ol barlyq marapattary men ordenderinen aıyryldy.
Al V.Hrapýnovtyń zaıyby Leıla Hrapýnova 14 jylǵa bas bostandyǵynan aıyryldy. Kúıeý balasy Aııar Іlııasov 5 jylǵa sottaldy.
Qazaqstan aýmaǵynan 2017 jyly shyǵyp ketken aıyptalýshylarǵa qatysty sot protsesi syrttaı ótti.
