AQSh-tyń eń qaýipti qalasy anyqtaldy
ASTANA. 23 qyrkúıek. QazAqparat - Federaldy tergeý bıýrosy AQSh-tyń eń qaýipti qalasyn anyqtady. Bul týraly kp.ru saıtynan habarlady.
Zertteý barysynda anyqtalǵandaı, bul qala - 3 mıllıonǵa jýyq turǵyny bar Chıkago.
Federaldy tergeý bıýrosynyń málimetterine qaraǵanda, dál osy Chıkagoda eń kóp qylmys jasalǵan kórinedi. Qaladaǵy adam ólimi kúnnen-kúnge joǵarylaýda. 2011 jyly bul qalada 431 adam ólimi tirkelse, 2012 jyly atalǵan qylmys cany 515-ke jetip otyr.
FTB statıstıkasyna súıensek, ár demalys saıyn qalada 6-8 adam ólimi bolatyn kórinedi. Chıkagodan keıingi qaýipti qalalardyń qatarynda Nıý-Iork, Detroıt, sodan soń Fıladelfııa men Los-Andjeles tur.
