AQSh-tyń eks-prezıdenti syrqatynan aıyǵyp keledi
ASTANA. QazAqparat - Biraz kún buryn syrqattanyp aýrýhana túsip qalǵan AQSh-tyń eks-prezıdenti úlken Djordj Býshtyń densaýlyǵy ońalyp keledi.
Jaqynda ol Hıýston qalasyndaǵy ózi emdelip jatqan aýrýhanadan shyǵarylady. 90 jastaǵy burynǵy el basshysynyń densaýlyǵynyń qazirgi jaı-kúıi týraly osy otbasynyń ókili Djım Makgras habardar etti, dep jazady TASS. Esterińizge sala keteıik, ol aýrýhanaǵa tynys alýynda qıyndyqtar bolǵan sebepti túsip qalǵan edi. Djordj Býsh 1989-1993 jyldar aralyǵynda AQSh-tyń 41-shi prezıdenti boldy. Buǵan deıin ol Ronald Reıgannyń tusynda vıtse-prezıdent (1981-1989) jáne Ortalyq barlaý qyzmetiniń dırektory (1976-1977) laýazymdaryn atqardy.
