AQSh-tyń eks-prezıdenti aýrýhanaǵa túsip qaldy
NUR-SULTAN. QazAqparat - AQSh-tyń burynǵy prezıdenti Djımmı Karter aýrýhanaǵa túsip qaldy. Ol dúısenbi keshinde úıinde qulaǵan. Bul týraly The Carter Center Twitter-de málimdedi, dep habarlaıdy QazAqparat.
Eks-prezıdenttiń jambasy synǵan.
«AQSh-tyń burynǵy prezıdenti Djımmı Karter keshe keshkisin Djordjııa shtaty, Pleıns qalasyndaǵy úıinde qulap qaldy. Jambasy synyp, Phoebe Sumter medıtsınalyq ortalyǵyna jatqyzyldy», - delingen málimdemede.
Habarlarǵa qaraǵanda, qazir 95 jastaǵy Karterdiń kóńil kúıi kóterińki, úıine qashan shyǵaratynyn asyǵa kútip jatyr.
Aıta keteıik, bıyl mamyr aıynda ol jambasyn syndyryp alyp, ota jasatqan bolatyn.
Djımmı Karter Amerıka Qurama Shtattaryn 1977-1981 jyldary basqarǵan.
