AQSh-tyń eks-birinshi hanymy Barbara Býsh ómirden ozdy
NЬıÝ-IORK. QazAqparat - AQSh-tyń burynǵy prezıdenti úlken Djordj Býshtyń áıeli Barbara Býsh 92 jasqa qaraǵan shaǵynda qaıtys boldy, dep habarlaıdy USA Today.
Býshtar otbasynyń resmı ókili Djım Makgrat Býsh hanymnyń qaıtys bolǵany týraly Týıtterde habarlaǵan.
USA Today-diń taratqan habarlaryna qaraǵanda, Barbara Býsh júrek jetispeýshiligi jáne ókpe aýrýlarynan zardap shekken.
Makgrat burynyraqta Býsh hanym densaýlyǵynyń nasharlaýyna qaramastan dárigerdiń kómegine júginbesten, sońǵy kúnderin otbasymen ótkizgen. Onyń artynda alty balasy, 17 nemeresi, jeti shóberesi qaldy.
AQSh-tyń burynǵy prezıdentiniń áıeli, AQSh-tyń taǵy bir burynǵy prezıdenti kishi Djordj Býshtyń, Florıda shtatynyń gýbernatory Djeb Býshtyń anasy aldaǵy senbi kúni jerlenedi.
Barbara Býsh AQSh birinshi hanymy retinde erekshe tanymal bolǵan. Saýalnamalar onyń, tipti, 1989-1993 jyldary prezıdent bolyp otyrǵan kúıeýinen de tanymalyraq ekenin kórsetken.
Los Angeles Times-tiń habarlaýynsha, kishi Djordj Býsh anasy Barbara Býsh ekendigi onyń ómirinde sheshýshi mánge ıe bolǵanyn aıtqan.
