AQSh-tyń eki shtatynda daýyldan 15 adam kóz jumdy

NUR-SULTAN. QazAqparat – AQSh-tyń Lýızıana men Mıssısıpıde shtattaryna «Ida» tropıkalyq daýylynan 15 adam adam kóz jumdy, dep habarlaıdy QazAqparat VVS aqparat agenttigine silteme jasap.

Sonymen tropıkalyq daýyl saldarynan Nıý-Iork pen Nıý-Djersı shtattary da qatty zardap shekken.

AQSh prezıdenti Djo Baıden ultqa arnaǵan sózinde bul shtattarda daýyl saldarynnan 11 adam jáne Lýızıana men Mıssısıpıde alty adamnyń qaza tapqany týraly málimdedi.

VVS taratqan aqparatqa qaraǵanda, Nıý-Iorkte adamdar óz úıleriniń sý basqan jertólelerinde qaza tapqan, bir adamnyń denesi aýdarylǵan kóliktiń astynan shyǵaryldy. Nıý-Djersıde bir adam kóliktiń ishinde otyryp sýǵa batty, taǵy bireýiniń úıiniń ústine aǵash qulaǵan.

Eki shtatta da tótenshe jaǵdaı rejımi engizildi.

AQSh prezıdenti Djo Baıden halyqqa arnaǵan sózinde «Ida» daýyly, sý tasqyndary men orman órtteriniń klımattyq daǵdarystyń belgisi ekenin aıtty.