AQSh-tyń eki birdeı qalasynda atys boldy
ASTANA. 7 qarasha. QazAqparat - AQSh-tyń Detroıt jáne Vashıngton qalalarynda adamdarǵa oq atý boıynsha eki oqıǵa tirkeldi. Detroıtta (Mıchıgan shtaty) er adam shashtarazǵa oq jaýdyrǵan. Al ishindegi adamdar syrtqa qaraı qashyp shyqqanda qylmysker olardy da atqan.
Saldarynan eki adam qaza boldy, jeti adam jaralandy, dep habarlady AR polıtsııa ókili Kellı Mınerdiń sózine silteme jasap.
Polıtsııa ázirge oq atqan adamnyń kim ekenin anyqtaǵan joq. Ony izdeý jumystary júrgizilýde. Qylmyskerdiń ne sebepti mundaı áreketke barǵany belgisiz, dep habarlady ITAR-TASS.
Osyǵan uqsas taǵy bir oqıǵa Vashıngtonnyń soltústik-shyǵys bóliginde oryn aldy. Onda belgisiz bireý sársenbi kúni avtobýs aıaldamasynda turǵan adamdarǵa tapanshadan oq jaýdyrǵan.
Saldarynan 3 er adam men 60 jastaǵy áıel jaraqattandy. Barlyq zardap shekkender aýrýhanaǵa jetkizildi, eki er adamnyń hali múshkil. Qylmysker ustaldy, al ony bul qylmysqa ne ıtermelegeni ázirge beımálim.
