AQSh-tyń burynǵy vıtse-prezıdenti Kapıtolııdi basyp alý isi boıynsha tergeledi

VAShINGTON. QazAqparat - AQSh Ádilet departamentiniń prokýratýrasy 2021 jyldyń 6 qańtarynda Kapıtolııdi basyp alýǵa qatysty tergeý aıasynda burynǵy vıtse-prezıdent Maık Pensten jaýap alady, dep habarlaıdy QazAqparat tilshisi CNN-ge silteme jasap.

Prokýrorlar burynǵy vıtse-prezıdenttiń ókilderine burynǵy prezıdent Donald Tramp pen onyń odaqtastarynyń 2020 jylǵy saılaýdan keıin bıliktiń aýysýyna kedergi jasaý áreketine qatysty qylmystyq tergeý aıasynda júgindi.

M. Penstiń komandasy burynǵy vıtse-prezıdent keıbir dálelderdi usyný úshin Ádilet departamentimen yqtımal kelisimdi talqylaýǵa ashyq ekenin aıtty.

Quqyq qorǵaý organdarynyń qyzyǵýshylyǵyn jaqynda jarııalanǵan M.Penstiń burynǵy prezıdenttiń 2020 jylǵy saılaý nátıjelerin joıý nıetine qatysty D. Tramppen qarym-qatynastyń keıbir aspektilerin sıpattaıtyn estelikteri týdyrǵan bolýy múmkin.

Buǵan deıin Ádilet mınıstrligi Penstiń bas keńesshileri Greg Djeıkob pen Mark Shortqa suraq qoıýda biraz jetistikke jetken. Bul qylmystyq tergeý D.Tramptyń jaqyn ortasynda jalǵasýy múmkin ekenin kórsetken.

Rústem Qojybaev

Foto: edition.cnn.com