AQSh-tyń burynǵy prezıdentiniń rezıdentsııasy 38,5 mln. dollarǵa satylmaq
ASTANA. QazAqparat - AQSh-tyń burynǵy prezıdenti Djon Kennedıdiń «Qysqy Aq úı» atanǵan rezıdentsııasy $38,5 mln. satylady, dep habarlaıdy Realty Today.
Bul úı Florıda shtatyndaǵy Palm-Bıch qalasynda ornalasqan. 1995 jyly ol Castle Harlan kompanııasynyń basshysy Djoný Kaslǵa $4,95 mln. satylǵan bolatyn. Aýmaǵy 1,4 myń sharshy metrden asatyn, 11 jatyn bólmesi bar ǵımaratqa ol birqatar jóndeý jumystaryn júrgizgen.
«Bastapqyda bul úıge aýqymdy jóndeý júrgizý kerek boldy, alaıda ol báribir aty ańyzǵa aınalǵan, tarıhy baı qozǵalmaıtyn múlik bolyp qala berdi», - deıdi Kasl.
Aıta keteıik, AQSh-tyń eks-prezıdentiniń ákesi Djozef Patrık Kennedı bul úıdi 1933 jyly 120 myń dollarǵa satyp alǵan eken. Munda bul otbasynyń talaı merekeli de berekeli kúnderi ótken.
