AQSh-tyń burynǵy prezıdenti úlken Djordj Býsh ómirden ozdy
ASTANA. QazAqparat - AQSh-ta 95 jasqa qaraǵan shaǵynda eldiń 41-inshi prezıdenti bolǵan úlken Djordj Býsh ómirden ozdy, dep habarlaıdy «QazAqparat» HAA New York Times-qa silteme jasap.
Eske sala keteıik, bıyl sáýir aıynda AQSh-tyń 41-prezıdentiniń jubaıy Barbara Býsh ta qaıtys bolǵan edi.
Burynǵy prezıdent Parkınson aýrýyna shaldyqqan bolatyn. Sonyń saldarynan múgedektik arbasyna da tańylǵan.
Úlken Býsh Ronald Reıgannan keıin 1989 jyldan 1993 jylǵa deıin Amerıkany basqardy. Onyń tusynda álemdegi aıtýly oqıǵalar oryn aldy. Atap aıtqanda, Berlın qabyrǵasy qulap, KSRO ydyraǵan.
Onyń úlken uly Kishi Djordj Býsh ta Bıll Klıntonnan keıin eldiń 43-prezıdenti bolǵan.
