AQSh-tyń burynǵy prezıdenti kishi Djordj Býsh óz kartınalarynyń kórmesin uıymdastyrmaq
ASTANA. QazAqparat - Sońǵy jyldary kórkemsýret ónerimen aınalysyp júrgen AQSh-tyń burynǵy prezıdenti kishi Djordj Býsh kartınalarynyń kórmesin ótkizbek.
Ol sáýir aıynyń bas kezinde Dallastaǵy kishi Býsh atyndaǵy prezıdent ortalyǵynda ashylady, dep habarlady ITAR-TASS.
Seısenbi kúni ortalyq ókilderiniń habarlaýynsha, «Kóshbasshylyq etý óneri: prezıdenttiń jeke dıplomatııasy» degen atpen ótetin kórmede AQSh-tyń 43-shi prezıdentiniń 20 eńbegi tanystyrylady. Buryn bul jumystar eshqashan kórmege qoıylmaǵan. Sonymen birge, kelýshiler nazaryna AQSh-tyń burynǵy prezıdentiniń basqa álemdik kóshbasshylarmen qarym-qatynastarynan habardar etetin sýretter men jeke estelikter tanystyrylady.
Aıta keter jaıt, kishi Býsh sýret ónerine 2009 jyly prezıdenttikten ketkennen keıin den qoıǵan.
