AQSh-tyń bombalaýshy ushaǵy apatqa ushyrady
ASTANA. QazAqparat - AQSh-tyń V-52N strategııalyq bombalaýshy ushaǵy Gýam aralynda apatqa ushyrady, bul týraly Associated Press agenttigi habarlady.
Oqıǵa týraly naqty málemet usynǵan «Pacific Daily News» basylymynyń jazýynsha, apat 19 mamyr kúni jergilikti ýaqyt boıynsha tańerteń bolǵan. Ushaq Anderson áskerı-áýe kúshteri bazasynyń ushyp-qoný alańynda qulaǵan. 7 ekıpaj múshesiniń barlyǵy birdeı aman, olardyń jaralanǵandyǵy týraly aqparat joq.
Ushaq Soltústik Dakota shtatynan Gýamǵa barǵan. Ekıpaj jattyǵý úshin jiberilgen. Qazir oqıǵanyń mán-jaıy anyqtalýda.
