AQSh-tyń birneshe qalasynda Tramptyń kóshi-qon saıasatyna qarsy aktsııa ótti
ASTANA. QazAqparat - Senbi kúni amerıkandyq birneshe qalada AQSh-tyń saılanǵan prezıdenti Donald Tramptyń kóshi-qon saıasatyna qarsy birneshe myńdaǵan adam qatysqan aktsııa ótti, dep jazdy The Wall Street Journal.
Sherý Los-Andjeles jáne San-Hosede (Kalıfornııa shtaty), Chıkagoda (Illınoıs shtaty), Vashıngtonda, sondaı-aq ózge de birneshe qalalarda uıymdastyryldy. Basylymnyń derekteri boıynsha, aktsııanyń negizgi qatysýshylary - Meksıkadan shyqqandar, aımaqtyq dinı jáne quqyq qorǵaý baǵytyndaǵy uıymdardyń ókilderi.
Tramp AQSh-ta zańnan tys tirshilik keship júrgen 11 mıllıon adamdy elden shyǵaryp jiberýdi josparlap otyrǵanyn birneshe ret aıtqan edi. Sondaı-aq, ol Meksıkamen aradaǵy shekaraǵa qabyrǵa turǵyzýǵa da ýáde berip otyr.
