AQSh-tyń birinshi hanymynan koronavırýs anyqtaldy

VAShINGTON. QazAqparat – AQSh-tyń birinshi hanymy Djıll Baıden COVID-19 vırýsyn juqtyrǵany belgili boldy, dep habarlaıdy QazAqparat Reuters-ke silteme jasap.

Aq úıdiń dúısenbi kúni jasaǵan málimdemesine sáıkes, prezıdent Djo Baıdenniń Úndistandaǵy «Úlken jıyrmalyq» sammıtine barardan birneshe kún buryn Djıll Baıden koronavırýsqa testten ótken. Baıdenniń 72 jastaǵy áıeli buǵan deıin koronavırýspen ótken jyldyń tamyz aıynda aýyrǵan edi. Qazir onyń boıynda vırýstyń jeńil belgileri bar. AQSh prezıdenti Djo Baıden sońǵy ret 2022 jyldyń shildesinde koronavırýspen aýyryp shyqqan.

Búgin keshke testileý qorytyndysy boıynsha Amerıka Qurama Shtattarynyń birinshi hanymynan COVID-19 vırýsy anyqtaldy. Ol Delaver shtatynda ornalasqan Rehobot-Bıchtegi úıinde qalady

, - dedi onyń qoǵammen baılanys jónindegi dırektory Elızabet Aleksander. Prezıdent Baıdenniń koronavırýsqa tapsyrǵan testi teris bolyp shyqqany habarlandy. Osy aptada prezıdent júıeli túrde testileýden ótip, vırýs belgileriniń bar-joǵyn baqylap otyrady.

Buǵan deıin Aq úı Djo Baıdenniń Nıý-Delıde 9-10 qyrkúıek aralyǵynda ótetin G20 sammıtine qatysatynyn habarlaǵan bolatyn.