AQSh-tyń bıofarm kompanııasy COVID-19-ǵa qarsy vaktsına oılap tapty
NUR-SULTAN. QazAqparat – AQSh-tyń bıofarm kompanııasy birinshi bolyp koronavırýsqa qarsy vaktsına shyǵaramyz dep málimdedi, dep habarlaıdy QazAqparat.
Olardyń aıtýynsha, vaktsına adamdardyń 90% -ynyń ınfektsııaǵa shaldyǵýynyń aldyn alady. Ol úshin araǵa úsh apta salyp vaktsınanyń eki dozasyn qabyldaý kerek.
Ekpe alty elde 43 500 adamǵa egilip, synaqtap ótti. Eshbirinde qaýipsizdikke qatysty másele týyndaǵan joq.
Kompanııalar vaktsınany aıdyń sońyna deıin qoldanysqa engizýge jedel ruqsat alý úshin ótinish berýdi josparlap otyr.
Kompanııadaǵylar jyl sońyna deıin 50 mln, al 2021 jyldyń sońyna deıin 1,3 mlrd ekpe sala alamyz dep josparlap otyr.
Ulybrıtanııa 30 mln dozaǵa tapsyrys berip qoıǵan eken.
Osyndaı jańalyqtan keıin kompanııa aktsııalary 14%-ǵa, al Brent markaly munaı baǵasy 8%-ǵa ósip, $42,5-dan asty.
