AQSh-tyń bilikti mamandary túrkistandyq dárigerlermen tájirıbe almasty

TÚRKІSTAN. QazAqparat – AQSh-tan kelgen bilikti mamandar Túrkistan oblysynyń dárigerlerimen tájirıbe almasty, dep habarlaıdy QazAqparat tilshisi.

Eki el dárigerleriniń tájirıbe almasý sabaqtary №2-shi oblystyq perınataldyq ortalyǵy men Ordabasy aýdandyq aýrýhana bazasynda ótti.

Sheteldik mamandar naýqastyń júrek qaǵysyn qalpynda ustap, der kezinde dárigerlik kómek berý joldaryn kórsetti. Óz tájirıbesimen bólisken dárigerlerdiń biri ári tanymal sarapshy II Rıchard Charls Ýılkınson óńirge osymen ekinshi ret kelip otyr.

Túrkistan oblystyq qoǵamdyq densaýlyq basqarmasynyń shaqyrtýymen kelgen kásibı maman ári úzdik jattyqtyrýshy jedel jáne jetildirilgen taktıkalyq shuǵyl medıtsınalyq kómek salasyndaǵy ádis-tásilderin úıretti. Máselen, júrek toqtap, adam ómirine qaýip tóngen jaǵdaıda dereý qutqaryp qalý medıtsına qyzmetkerlerine artylǵan úlken jaýapkershilik sanalady.

Óz kezeginde kásibı biliktilikterin arttyrǵan túrkistandyq dárigerler sheteldik áriptesterine alǵystaryn bildirdi. Olarǵa semınarǵa qatysqandaryn rastaıtyn sertıfıkattar tabystaldy.