AQSh-tyń bes shtatynda tótenshe jaǵdaı jarııalandy

NЬıÝ-IORK. QazAqparat - AQSh-tyń shyǵys jaǵalaýynda sońǵy tórt jyldyń ishinde bolmaǵan qarly boran soqty, dep habarlaıdy QazAqparat VVS-ge silteme jasap.

Nıý-Iork, Nıý-Djersı, Merılend, Rod-Aılend jáne Vırdjınııa shtattarynda qalyń qar jaýdy. Qarly boran soǵýdan birneshe saǵat buryn bul óńirlerde tótenshe jaǵdaı jarııalandy.

Jaǵalaý aımaqtarynda bılik ókilderi sý tasqyny bolýy múmkin ekenin eskertildi. 6 myńǵa jýyq ishki reıs toqtatyldy.

Sınoptıkterdiń aıtýynsha, soltústik-shyǵystyń kóp bóligi jaqyn arada jylyna qoımaıdy, degenmen boran Men shtatyna aýysýy yqtımal.

Soltústik-shyǵystan soqqan kúshti burqasyn Massachýsets pen Nıý-Iorktke qar úıindilerin ákeldi.

Aýa-raıynyń qolaısyzdyǵyna baılanysty Massachýsets shtatynda 80 myńǵa jýyq úı senbi kúni jaryqsyz qaldy.

Atlantık-Sıtıde, Nıý-Djersıde 40 sm, al Bostonda kúndiz 60 santımetr, Nıý-Iorkte 61 santımetr, Massachýsets shtatynyń keıbir aýdandarynda 75 santımetr qar jaýdy.