AQSh-tyń bes prezıdenti kezdesti

Atap aıtqanda, qazirgi basshy Barak Obama, Býshtyń úlkeni men kishisi, Bıll Klınton jáne Djımmı Karter. Olardyń keıbireýiniń jasy ulǵaıyp qalǵanyna qaramastan sergek kórindi, dep jazady "Aıqyn" gazeti.

Aq úı basshysy Barak Obama óziniń pre­zıdenttik ulyqtaý salta­na­ty ótken kún­nen bastap bir­qa­lyp­ty, tyń jaǵ­daıda. Den­saý­lyǵy da jaqsy. Osydan birer aı buryn ol basketbol alańynda oıynnyń naǵyz klassıkalyq úlgisin kórsetkisi kelgen, biraq sheńberge laqtyrǵan 22 dobynyń ekeýi ǵana týra tústi. Alaıda ol basketbol alańynda oıqastaı oınap, dop salýdyń sheberi bolmaǵanymen, temeki tastaýyn qoıa alar emes. Kúnine temekiniń birneshe qorabyn taýy­satyn Aq úı basshysy alaıda bul jaman ádetten arylýǵa baryn­sha shyndap kirisken sııaqty. Sondaı-aq Barak Obamanyń golf oınaýǵa áýestigi joǵary.

AQSh-tyń 43-prezıdenti kishi Djordj Býsh bolsa, taý jolynda velosıpedpen júrgendi unatady. Aq úıdegi qyzmetinen ketkennen keıin ol óziniń súıikti isinen ajyraı qoıǵan joq. 66 jastaǵy kishi Býsh jaqynda ǵana velosıpedpen taý jolyndaǵy marafondyq jarysqa qatysty. Básekeniń aıaǵyna deıin jetken eks-prezıdent jarty jolda jaraqat alǵan áıelge kómektesip, ony taýǵa qınal­maı shyǵýyna járdemdesken kórinedi. Kishi Býshtyń qurdasy, AQSh-tyń 42-prezıdenti Bıll Klın­ton bolsa, qazirgi ýaqytta qatań dıetada júrgen kórinedi. 2004 jy­ly júregine operatsııa jasaǵan ol 2011 jyldan bastap, ju­myrtqa, et, sút ishýden bas tartqan. Sońǵy eki jylda 11 kelige aryq­taǵan ol alaıda tyń qalpynda. 88 jasqa kelgen úlken Djordj Býshtyń da kóńil kúıi táýir bolǵanymen, sońǵy jyldary onyń Parkınson syrqatyna shaldyqqany belgili. Degenmen 85 jasynda parashıýtpen sekirgen ol densaýlyǵynyń myqty ekendigin osyndaı qımyl áreket ar­qyly dáleldegen. Djımmı Karter bolsa, 80-jyldardan bastap, AQSh-ta jáne álemniń birqatar elderinde úı salýmen aınalysady. Bar aqshasyn turǵyn úı qurylysyna salǵan Djımmı Karter bıznesi sońǵy eki jylda aıtarlyqtaı ósken. Qazir ol Gaıtı elinde alyp qurylystyń jobasyn qolǵa alǵan kórinedi.