AQSh-tyń baıqaýshylar mıssııasy saılaý úderisin jaqsy uıymdastyrylǵan ári ashyq dep baǵalady
ASTANA. 4 sáýir. QazAqparat /Marlan Jıembaı/ - AQSh-tyń baıqaýshylar mıssııasy QR Prezıdentiniń kezekten tys saılaýy úderisin jaqsy uıymdastyrylǵan ári ashyq dep baǵalady. Bul pikirdi búgin olar elordada ótken Astana men Vashıngton arasyndaǵy beıne konferentsııa barysynda bildirdi.
AQSh-tyń táýelsiz halyqaralyq baıqaýshylar mıssııasy ókilderiniń pikirinshe, daýys berý barysynda birqatar uıymdastyrýshylyq qatelikter ketken. Degenmen, tolyqtaı alǵanda ol saılaý komıssııasynyń tıimdi jumysyna esh kedergi keltirgen joq. Olar aralaǵan barlyq saılaý ýchaskelerinde saılaý komıssııasynyń músheleri kezekten tys prezıdenttik saılaýdy sátti ótkizý úshin arnaıy trenıngter, semınarlar ótkizgen.
Mıssııa músheleriniń atap ótýinshe, elimizde tirkelgen barlyq saıası partııalar prezıdenttik saılaýǵa qatyspaǵanymen, alda bolatyn parlamenttik saılaýǵa múddelik tanytyp otyr.
