AQSh-tyń batysyndaǵy ystyq rekordtyq deńgeıge jaqyndady
ASTANA. 29 maýsym. QazAqparat - Amerıkalyq Kalıfornııa shtatynyń Ólim alqaby aýdanynda aýa temperatýrasy aǵymdaǵy demalystarda 54 gradýsqa deıin kóterilýi múmkin.
Osy arqyly temperatýra baǵany týra júz jyl buryn ornaǵan rekordtyq deńgeıge jetedi dep kútilýde.
VVS-diń jazýynsha, osyndaı aptap ystyq Arızona jáne Nevada shtattarynda da bolýy yqtımal eken.
AQSh-tyń ulttyq aýa raıy ortalyǵynyń eskertýine qaraǵanda, qalyptan joǵary temperatýra ystyq ótý qaýpin týdyrady. Ásirese, bul ýaqytta úısiz júrgenderge bundaı qater tónýi múmkin.
Osyndaı aýa raıy áýe baılanysyn shekteıtin kórinedi. Sebebi, temperatýra 47 gradýstan asqan kezde áýe kemeleriniń ushýyna qolaısyzdyq týyndaıdy. Jer betinde temperatýranyń rekordy 1913 jyly Ólim alqabynda tirkelgen edi. Ol kezde onyń deńgeıi 56,7 gradýsqa jetken bolatyn.
