AQSh-tyń bastaýysh mektebinde atys bolyp, eki adam jaraqattandy
ASTANA. QazAqparat -AQSh-tyń Kanzas shtatyndaǵy bastaýysh mektepte atys bolyp, saldarynan eki adam jaraqat aldy. Bul týraly jergilikti polıtsııaǵa silteme jasap Sınhýa agenttigi habarlady.
Oqıǵa 3 shilde kúni Kanzas-Sıtı qalasynyń mańynda ornalasqan Overlend-Park qalasyndaǵy «Sanraız» bastaýysh mektebinde bolǵan. Zardap shekkenderdiń ekeýi de mektep mańyndaǵy balalar alańynda jumys istep jatqan jaldamaly jumysshylar.
Overlend-Park qalasynyń polıtsııasy olar aýyr halde jatqandyǵyn rastady.
Kúdikti de jaldamaly jumysshy ekeni aıtylýda. Ol zardap shegýshilermen arada bolǵan daýdan keıin atys uıymdastyrǵan.
Oqıǵadan balalar zardap shekken joq.
Kúdikti atystan keıin sporttyq-ýtılıtarlyq avtomobıldi aıdap ketip, oqıǵa ornynan izin sýytqan. Polıtsııa kúdiktini izdep jatyr.
