AQSh-tyń bas ınfektsıonısi koronavırýsqa qarsy reseılik vaktsınanyń qaýipsiz ekenine kúmándandy
AQSh-tyń Allergııa men ınfektsııa aýrýlary ulttyq ınstıtýtynyń dırektory Entonı Faýchı Reseıdiń Densaýlyq saqtaý mınıstrligi tirkegen koronavırýs ınfektsııasynyń aldyn alý úshin shyǵarylǵan álemdegi alǵashqy jańa vaktsına qaýipsiz jáne nátıjeli bolatyn shyǵar degen úmitin bildirdi. Qurama Shtattardyń bas ınfektsıonıst dárigeri seısenbi kúni National Geographic telearnasy uıymdastyrǵan sarapshylar pikirtalasy kezinde osyndaı pikir bildirgen.
«Men reseılikter bul vaktsınanyń qaýipsiz jáne tıimdi ekenin barynsha anyqtady dep úmittenemin. Alaıda, olardyń sony jasaǵanyna kúmánim zor», - dedi Faýchı.
«Vaktsına jasaý jáne onyń qaýipsiz ári tıimdi ekenin rastaý – bul eki bólek nárse. Biz alty nemese odan da kóp vaktsınany ázirlep jatyrmyz. Eger táýekelge bel býyp, kóptegen adamǵa zalal keltirgimiz kelse, olarǵa jumys istemeıtin vaktsınany kelesi aptada-aq bere alatyn edik. Alaıda, bulaı jasalmaıdy», - dep túsindirdi Faýchı. Ol osy arqyly AQSh-ta qabyldanǵan sertıfıkattaý rásimderi týraly megzegenin bildirdi.
Shilde aıynyń sońynda AQSh Kongresi ókilderiniń palatasynda Koronavırýs daǵdarysyn eńserý jónindegi arnaıy komıtettiń talqylaýynda Allergııa men ınfektsııa aýrýlary ulttyq ınstıtýtynyń dırektory
AQSh-tyń koronavırýstan vaktsınalaý boıynsha basqa elderge táýeldi bolmaıtynyn málim etken edi. Ol reseılik jáne qytaılyq áriptesteriniń jetistikterine kúmán bildirdi.
Eske sala keteıik, 11 shildede Reseı alǵashqy bolyp koronavırýsqa qarsy vaktsınany tirkegeni týraly habarlady.
