AQSh-tyń Aýǵanstandaǵy 2 generaly jumystan ketýge májbúr boldy
ASTANA. 1 qazan. QazAqparat - AQSh-tyń qurlyqtaǵy áskerı kúshteriniń eki generaly "AQSh-tyń Aýǵanstandaǵy áskerı bazasyn "Talıban" shabýylynan qorǵaı almady" degen aıyppen qyzmetterinen bosatyldy.
Qurlyqtaǵy áskerı kúshterdiń qolbasshysy, general Djeıms Amos "general-maıor Charlz Gýrganýs pen Gregg Stýrdevant Aýǵanstannyń ońtústigindegi Gelmand ýálaıatynda Bastıon lagerindegi (Camp Bastion) áskerı kúsh men tehnıkany tıisti dárejede qorǵaı almady" degen tujyrym jasady.
Qolbasshy eki generaldy otstavkaǵa ketýge shaqyryp, olar jumystan shyǵýǵa ótinish berdi.
2012 jyly qyrkúıekte "Talıban" jasaqtarynyń lagerge jasaǵan shabýylynan amerıkalyq eki sarbaz qaza taýyp, segizi jaralanǵan bolatyn. "Talıban" budan ózge, amerıkalyq alty Harrier shabýylshy ushaǵyn joıyp jiberip, birneshe áskerı tehnıkany búldirgen. Al shabýyl jasaǵan 15 sodyrdyń 14-i qaza taýyp, bireýi qolǵa túsken edi, dep habarlaıdy «Azattyq».
