AQSh-tyń arnaıy qyzmeti Brazılııa men Meksıka basshylarynyń telefondaryn tyńdap keldi
ASTANA. 8 qyrkúıek. QazAqparat - Brazılııanyń prezıdenti Dılma Rýsef óziniń telefon qońyraýlar men elektrondy poshtasyn baqylap kelgen AQSh-tyń ulttyq qaýipsizdik agenttiginiń qyzmetine narazylyq bildirip, resmı túrde keshirim suraýdy talap etti. Ol aldaǵy qazan aıynda Amerıkaǵa josparlanǵan issaparyn da jasamaýǵa múddeli.
«Menińshe, demokratııalyq memleketti (Brazılııa - avt.) baqylaý - bul naǵyz quqyqbuzýshylyq. Buǵan naqty túsinikteme bere alatyn bireý bar ma?! Eldiń egemendigine, jeke ómirge qol suqqandy qalaı aqtaýǵa bolady?!» - dep málimdedi D.Rýsef. AQSh prezıdenti B.Obama bolsa, Brazılııanyń prezıdenti Dılma Rýsef pen Meksıka basshysy Enrıke Penı Netony baqylaýǵa qatysty aqparattyń anyq-qanyǵyn bilip alýdy kózdeıdi. Búginde Meksıkanyń prezıdenti de resmı túrde keshirim suraýdy talap etip otyr. Aıta keteıik, bul aqparatty AQSh-tyń ulttyq qaýipsizdik agenttiginiń burynǵy qyzmetkeri Edvard Snoýden taratty. Onyń barlyǵyn brıtandyq «Gardıan» gazeti jarııalady.
