AQSh-tyń arnaıy qyzmeti adamdardy robottarmen aýystyrmaq
ASTANA. 9 tamyz. QazAqparat - AQSh-tyń Ulttyq qaýipsizdik agenttiginiń generaly Kıt Aleksander qupııa aqparattyń jylystaýymen kúres aıasynda vedomstvodaǵy júıelik ákimshilerdi 90 paıyzǵa qysqartýǵa nıetti,
solardyń biri Reseıge qashyp ketken Edvard Snoýden bolatyn, dep habarlaıdy Huffington Post.
Aleksanderdiń bergen málimeti boıynsha, qazir UQA-da myńǵa jýyq júıelik ákimshi jumys isteıdi. Nıý-Iorkte Federaldy tergeý bıýrosy men Ortalyq barlaý basqarmasy basshylarynyń qatysýymen ótken vedomstvoaralyq alqada general osy qyzmetkerlerdiń kóbin jańa tehnologııalardyń kómegimen aýystyrýǵa bolatyndyǵyn atap ótken edi.
