AQSh-tyń Arkanzas shtatynda jańajyldyq otshashý saldarynan 3 myńnan astam torǵaı óldi
ASTANA. 5 qańtar. QazAqparat - Jańajyldyq otshashýlar amerıkandyq AQSh-tyń Arkanzas shtatynda baryldaq torǵaılardyń jappaı qyrylýyna alyp keldi.
Bul týraly USA Today habarlaıdy.
Áýeden júzdegen torǵaıdyń qulaǵanyn shtattyń ortalyq bóligindegi Bıb (Beebe) qalasynyń turǵyndary habarlady. Kýágerlerdiń aıtýynsha, aldymen zeńbirekterdiń atysyna uqsas birneshe qýatty daýys estilip, sodan az ýaqyttan soń aspannan qustar qulaı bastady.
Ornıtologtardyń oıynsha, baryldaq torǵaılar qatty dybystan baǵyttarynan jańylyp, esterinen tanyp úılerge, ǵımarattarǵa, úı murjalaryna jáne ózge de zattarǵa soqtyǵysyp qaza tapqan. Mamandardyń aıtýynsha, qatty dúmpýler jańajyldyq otshashý bolýy yqtımal.
Barlyǵy jańa jyl túninde úsh myńnan astam qus qaza tapty. Otshashýdan basqa, naızaǵaı men burshaqtyń da áseri bolýy múmkin degen de joramaldar aıtylýda.
