AQSh-tyń Ádilet mınıstri FIFA-daǵy sybaılas jemqorlyqqa qatysty jańa aıyptaýlar shyǵýy múmkin ekenin málimdedi
ASTANA. QazAqparat - AQSh-tyń Ádilet mınıstri Loretta Lınch FIFA-daǵy sybaılas jemqorlyq jaǵdaılaryn tergeý amaldary keńeıtiletinin málimdedi. Onyń aıtýynsha, jańa aıyptaýlar shyǵýy múmkin, dep jazady «VVS» agenttigi.
Loretta Lınch aıyp taǵylatyn qandaı da bir adamdardyń esimin nemese merzimdi atamady. Lınch Tsıýrıhte ótken birlesken baspasóz-konferentsııasyna óziniń shveıtsarııalyq áriptesi Mıhael Laýbermen qatysty, onda Shveıtsarııa prokýratýrasy osy tergeý aıasynda birneshe meken jaı boıynsha tintý júrgizgenin habarlady. Mamyrda AQSh prokýrorlary FIFA basshylyǵynyń 9 múshesin bopasalaý, aqsha qymqyrý, alaıaqtyǵy úshin aıyptaǵan. Olarǵa jıyrma jyldaı ýaqyt boıy sybaılas jemqorlyq shemasyn uıymdastyryp kelgeni úshin aıyp taǵyldy. Foto: Associated Press
