AQSh-tyń 198 mln saılaýshysynyń derekteri jelige júkteldi
ASTANA. QazAqparat - AQSh Respýblıkalyq partııasynyń Ulttyq komıtetine jumys isteıtin Deep Root Analytics kompanııasy jelige 198 mıllıon amerıkalyq saılaýshylardyń jeke derekterin ornalastyrdy. Buǵan UpGuard kompanııasynyń kıber táýekel saraptama jónindegi mamandar nazar aýdardy, dep habarlaıdy Lenta.rý.
Onda saılaýshylardyń aty-jóni, týǵan kúnderi, meken jaılary men baılanys telefondary tolyq qamtylǵan. Aqparat Amazon serverleriniń birinde jarııalandy. Málimetterdiń kólemi 1,1 terabaıtty qurady. Barlyq derekti kóshirip alý úshin mamandar úsh kún ýaqyt jumsady.
Deep Root Analytics-tiń negizin qalaýshylardyń biri Aleks Landrı saılaýshylardyń jasyryn málimetteriniń taratylýy nemese joǵalyp ketýlerine baılanysty tolyq jaýapkershilikti moınyna alatyndyǵyn aıtty.
