AQSh «Kataıb Hezbolla» uıymynyń múshesi degen adamdy Túrkııadan shyǵaryp jiberdi
ASTANA. KAZINFORM - Vashıngton Irak azamatyn Amerıka men Izraıl múddesine qarsy shabýyl josparlaýǵa qatysty dep aıyptap jatyr, dep habarlaıdy Kazinform agenttiginiń menshikti tilshisi.
AQSh Ádilet mınıstrligi Irak azamaty Mohammed Baker Saad Daýd as-Saadıdiń tutqyndalǵanyn jáne Amerıka aýmaǵyna jetkizilgenin habarlady.
Ony Vashıngton Irannyń qoldaýyndaǵy «Kataıb Hezbolla» tobynyń joǵary dárejeli múshesi dep sanaıdy. Amerıkalyq bıliktiń habarlaýynsha, as-Saadıge terrorızmge qatysty alty aıyp taǵylǵan, onyń ishinde sheteldik terrorıstik uıymǵa materıaldyq qoldaý kórsetý, Terrorıstik aktilerdi daıyndaý jáne qoǵamdyq nysandardy buzý úshin sóz baılasý.
Nıý-Iork Ońtústik okrýginiń prokýrorlary as-Saadı Eýropada, Kanadada jáne AQSh-ta amerıkalyq múddege qarsy 20-ǵa jýyq shabýyl uıymdastyrdy nemese qoldady dep málimdedi.
Earlier today, Mohammad Baqer Saad Dawood Al-Saadi, a senior member of Kata’ib Hizballah, a U.S. designated foreign terrorist organization, was charged with six counts of terrorism-related offenses for his activities as an operative of Kata’ib Hizballah and Iran’s Islamic… pic.twitter.com/A3oDgpAswu
— FBI New York (@NewYorkFBI) May 15, 2026
Aıyptaý qorytyndysynda boljamdy shabýyldarǵa jarylystar, órtter jáne AQSh pen Izraılmen baılanysty nysandarǵa jasalǵan shabýyldar jatatyny habarlandy.
Amerıkalyq tergeýshiler sonymen qatar as-Saadı AQSh-taǵy, sonyń ishinde Nıý-Iork, Kalıfornııa jáne Arızonadaǵy yqtımal shabýyldar týraly talqylady dep málimdedi.
ABC News jáne aıyptalýshynyń advokaty Endrıý Dalaktyń málimetinshe, as-Saadı Túrkııada ustaldy, sodan keıin ol amerıkalyq tarapqa berilgen.
FBR dırektory Kash Patel ustaý operatsııasyn FBR qyzmetkerleri Ankaradaǵy amerıkalyq dıplomattardyń kómegimen júrgizgenin aıtty.
BREAKING: An Iraqi national and senior member of a U.S.-designated terror organization was arrested and brought to New York to face trial on federal terrorism charges.
— Fox News (@FoxNews) May 15, 2026
Mohammad Baqer Saad Dawood al-Saadi is accused of coordinating nearly 20 terror attacks in Europe and plotting… pic.twitter.com/FSskNJMDgR
Túrkııa men Irak bıligi bul jaǵdaıǵa qatysty eshqandaı túsinikteme bergen joq.
AQSh Ádilet mınıstrligi men táýelsiz sarapshylar «Kataıb Hezbolla» Irannyń Islam revolıýtsııalyq gvardııa korpýsynyń basshylyǵymen jumys isteıdi dep sanaıdy.
Reuters agenttigi atap ótkendeı, aıyptaýlar AQSh, Izraıl jáne Iran arasyndaǵy qaqtyǵystyń ýshyǵýynan keıin Vashıngtonnyń Iran qoldaǵan qarýly toptarǵa nazar aýdarýynyń artýymen baılanysty boldy.
Ál-Saadıdiń advokaty istiń egjeı-tegjeıin talqylaý áli erte ekenin aıtyp, aıyptaýlar boıynsha túsinikteme berýden bas tartty. Degenmen ol óziniń aıtýynsha jeke kamerada otyrǵan klıentiniń jaǵdaıyna alańdaýshylyq bildirdi.
Aıta keteıik, Iran Qytaı kemeleriniń Ormýz buǵazy arqyly ótý tártibin jeńildetti.
