AQSh turǵyny mektepti 106 jasynda támamdady
ASTANA. 6 naýryz. QazAqparat - AQSh-tyń Massachýsets shtatynyń turǵyny mektepti 106 jasynda bitirdi.
Kezinde ol jalǵyz qalǵan anasyna kómektesip, ózinen keıingi ini-qaryndastaryn asyraý úshin jumysqa erte aralasýǵa májbúr bolǵan. Sol sebepti 9-synypty bitirip, oqýdy ary qaraı jalǵastyrǵan joq. Ýaqyt óte kele, shańyraq kóterip, úıli-barandy boldy. 106 jastaǵy Batler mektep bitirmegenine ókinip, bilimniń mán-mańyzyn balalaryna jáne nemerelerine únemi aıtyp otyratyn bolǵan. Jaqynda qarttyń armany oryndaldy: arnaıy shara barysynda qala meri oǵan bilim týraly attestatty saltanatty túrde tabys etti.
