AQSh turǵyny medıtsına ortalyǵynda qoldan jasalǵan bombany jaryp jiberdi
ASTANA. QazAqparat - Er azamat AQSh-tyń Kalıfornııa shtatyndaǵy Oklend qalasyndaǵy medıtsınalyq ortalyqta qoldan jasalǵan bombany jaryp jiberdi. Bul týraly QazAqparat newsru.com saıtyna silteme jasap habarlaıdy.
Oqıǵa 18- qazan kúni keshkisin boldy.
Kýágerler qolynda bombaǵa uqsas zatty ustap alǵan er adamnyń múgedekterge arnalǵan arbaǵa minip, San Antonio Neighborhood Health Center klınıkasyna kirgendigin aıtady. Sodan soń qolyndaǵy zatty jaryp jiberip, ózi de mert bolǵan.
Osy oqıǵanyń saldarynan basqa eshkim zardap shekken joq. Qazirgi tańda tergeý jumystary júrip jatyr. Polıtsııa ókilderi osy aımaqtaǵy jarylǵysh zat bolýy múmkin degen oryndardy aralap shyǵyp, eshteńe tappady.
Quqyq qorǵaý qyzmetkerleri er azamattyń áreketin aldyn ala boljam boıynsha ózine ózi qol saldy dep baǵalap otyr. Ázirge onyń kim ekendigi anyqtalmaǵan.
