AQSh turǵyndary avtomobılderden avtobýstarǵa aýysýda
ASTANA. 7 naýryz. QazAqparat - Benzınge baǵanyń ósýi barǵan saıyn amerıkandyqtardyń kópshiligin jeke kólikterinen avtobýstarǵa aýysýǵa májbúrlep otyr, dep habarlady ITAR-TASS.
Kólik kompanııalaryna jolaýshylar aǵyny arta túsýinen olardyń tabysy men jergilikti jáne federaldyq bıýdjetke salyq tólemderi ulǵaıýda. Buǵan sońǵy aılarda avtomobıl janarmaılaryna baǵanyń sharyqtaýy sebep boldy, dep habarlady Ulttyq qoǵamdyq kólik qaýymdastyǵynyń ókilderi.
Sońǵy eki aıda AQSh-ta benzın baǵasy ortasha eseppen 20 paıyzǵa ósti. Aqpan aıynda bir gallonnyń (3,78 lıtr) baǵasy 3,52 dollardy qurady. Al keıbir aımaqtarda bir gallon tórt dollarǵa jetti.
Kóptegen amerıkandyq azamattardyń pikirinshe, benzın baǵasy qaltaǵa aýyr soǵa bastady, dep atap ótti «Nıý-ıork taıms» gazeti. AQSh azamattary avtomobılmen júrýdi azaıtyp, avtobýstarǵa den qoıa bastady. Onyń ústine kólik kompanııalary jolaýshylardy dempıngtik baǵalarmen ózderine kóptep tartýda. Nıý-Iork-Fıladelfııa jolbaǵyty boıynsha tasymaldaıtyn "Megabus" jáne "BoltBus" fırmalary ótken jyly 2010 jylǵa qaraǵanda, jolaýshylardy 32 paıyzǵa kóp tasymaldady. Eger aldyn ala Internet arqyly avtobýsqa orynǵa tapsyrys berilse, Nıý-Iorkten Fıladelfııaǵa bir dollarmen barýǵa bolady. Avtomobılshiler úshin 160 shaqyrymdyq saparǵa shyǵý 20 ese qymbat bolmaq.
