AQSh turǵyndary arasynda tirkelmegen qarýǵa suranys artty
Qazirgi ýaqytta halyq qolynda túrli qarýdyń 500 mln birligi bar. Olardyń sany jyl saıyn taǵy 18-20 mıllıonǵa artyp otyrady.
AQSh turǵyndary qarý-jaraqty, sonyń ishinde tirkelmegen qarýdy kóptep satyp alyp jatyr.
Alkogol, shylym, qarý-jaraq jáne jarylǵysh zattar jónindegi bıýro málimetinshe, 2020 jyly amerıkanyń qarý óndirýshileri 11,3 mln atys quralyn shyǵarǵan. Bul 20 jyl burynǵy kórsetkish – 3,9 mln birlikten úsh esege kóp.
Quqyq qorǵaý organdary da onlaın tapsyrys berýge bolatyn tirkelmegen qarýǵa degen úlken suranysqa alańdaýshylyq bildirip otyr. Bul rette, satyp alýshynyń bıografııalyq derekteri esh tekserilmeıdi. Bul qyzyǵýshylyqtyń artý sebebi, bıylǵy tamyz aıynan bastap óndirýshiler qoldan jasalǵan polımerli pıstoletterge serııalyq nomer soǵýǵa mindetteledi. Qazirgi ýaqytta atys qarýynyń atalǵan úlgisinde tirkeý málimetteri joq. Al bul qylmys jasalǵannan keıin tergeýdi qıyndatady.
Bıyl Nıý-Iorkte byltyrǵy jylmen salystyrǵanda tirkelmegen qarýdy tárkileý kórsketkishi 300 paıyzdan astamǵa ulǵaıdy.
Eske salaıyq, jýyrda Vıskonsın shtatynyń Rasın qalasynda zırat basyna jınalǵan bir top adamǵa qarsy oq atylǵan bolatyn.
Sondaı-aq Oklahoma shtatynyń Talsa qalasynda aýrýhanadaǵy atystan bes adam qaza tapqan edi.
Al Ulttyq mereke kúni AQSh-ta jappaı atystyń 14 oqıǵasy bolyp, kóptegen adam ajal qushty.
Mamyr aıynyń sońynda Tehas shtatynyń Robba qalasyndaǵy bastaýysh mektepte atys saldarynan 19 bala men 2 eresek adam mert boldy.
Foto: russiaedu.ru
