AQSh TRIPP jobasynyń daıyndyq kezeńine 140 mln dollar ınvestıtsııa saldy

ASTANA. KAZINFORM — TRIPP jobasynyń daıyndyq kezeńine 140 mln AQSh dollary kóleminde amerıkalyq ınvestıtsııa bólindi, dep habarlaıdy Kazinform menshikti tilshisi.

Armenııa premer-mınıstri Nıkol Pashınıan brıfıng barysynda málimdegendeı, amerıkalyq tarap jobanyń daıyndyq kezeńine 140 mln dollar bólip úlgerdi.

— Amerıkalyq taraptyń ınvestıtsııalaryna kelsek: qazirgi ýaqytta, meniń bilýimshe, jobanyń daıyndyq kezeńine 140 mln AQSh dollary bólingen. Keıingi ınvestıtsııalar kólemi naqty jobalardyń qalyptasýyna baılanysty bolady. Bul — aldyn ala esepteýlerge qatysty másele, alaıda sózsiz, áńgime qomaqty ınvestıtsııalar týraly bolyp otyr, — dedi Úkimet basshysy AQSh-tyń TRIPP jobasyna salýy múmkin ınvestıtsııa kólemine qatysty pikir bildire otyryp, atalǵan joba aıasynda amerıkalyq tarapqa 74% úles beriletinin atap ótti.

TRIPP jobasy boıynsha shekti kelisiminde úlesti taraptar arasynda bólý ınvestıtsııa kólemimen tikeleı baılanysty ekeni aıtylǵan. Bul rette Nıkol Pashınıan qazirgi kezeńde bolashaq salymnyń naqty kólemin anyqtaý múmkin emes ekenin atap ótti.

Onyń aıtýynsha, joba aıasynda jańa temirjol jelilerin salý qajet etiledi, alaıda qajetti shyǵyndardy anyqtaý úshin egjeı-tegjeıli tehnıkalyq-ekonomıkalyq esepteý qajet.

Buǵan deıin Armenııa men AQSh TRIPP jobasy aıasynda birlesken kompanııa quratynyn jazǵan edik.